Daily Meil

Un i'r Genod

2009-01-14T13:07:00.000Z

via YT.

Blwyddyn Newydd Dda!

2009-01-01T13:40:00.000Z

via YT

Saturnalia Llawen!

2008-12-19T16:57:00.000Z

via YT

Marriage Guidance

2008-11-28T16:35:00.000Z

via yt

GTAIV vs The Naked Gun

2008-11-27T23:29:00.003Z

Inspired.

via yt

Star Trek Duvet Day

2008-11-18T10:35:00.000Z

Un diwrnod ffoniodd y stunt choreographer fewn yn sal...

Ravin' Polish

2008-11-07T20:23:00.003Z

I ddilyn y strand cerddorol yma ar y Daily Meil, dyma Jozin z Bazin. Dwi' awgrymu'n gry' i wylio tan y diwedd.

Jozin z Bazin ar YouTube

Dolen Ddwfn

2008-11-05T14:55:00.002Z

Mae YouTube wedi galluogi dolenni dwfn o fewn eu fideos.

Felly yn hytrach na deud:

"LOL!!1UN big lulz ar 1m 01s: http://uk.youtube.com/watch?v=7-ZnPE3G_YY"

Gelli di neud hyn:

"LOL!!1UN big lulz: http://uk.youtube.com/watch?v=7-ZnPE3G_YY#t=1m01s"

Sylwer ar y diwedd, mae cynnwys symbol hash efo t=1m01s yn neidio i'r peynt yna yn y fideo.

Non Gwilym

2008-10-24T14:20:00.001+01:00

Dyma hi!

Tim Minchin

2008-10-18T20:34:00.002+01:00

'Rioed di clywad amdano o'r blaen, ond mae o'n rel boi.

Cerdd Dant

2008-10-10T11:44:00.001+01:00

Hen bryd i hwn weld golau dydd eto...

Trajan

2008-10-03T14:47:00.001+01:00

Mwy o ffontiau mae arnai ofn. Fideo da am y ffont Trajan, a'i (or?) ddefnydd mewn ffilmiau.

Reh Dog

2008-09-22T22:28:00.001+01:00

Gall dim nai ddeud dy baratoi di at hwn...

Reh Dog ar YouTube.

Bydded Wyliadwrus

2008-07-08T14:03:00.004+01:00

Mae Google allan yn tynnu lluniau i'w StreetView yn yr YP.

Sgwn i os bydd dinasoedd o Gymru yn cael eu cynnwys? Caerdydd neu Abertawe ella, ond dwi'n amau bydd Felinheli ar y rhestr.

Gol. yn ôl y sylw hwn, mae'r car eisoes wedi'i weld o gwmpas Abertawe.

George Carlin, 1937 - 2008

2008-06-23T13:32:00.001+01:00

Er cof am y comic enwog, dyma un o fy hoff routines.

George Carlin ar Youtube.

Firefox 3

2008-06-18T09:48:00.004+01:00

Mae'r fersiwn hir-ddisgwyliedig o'r porwr allan rwan.

Dwi wedi'i lawrlwytho i'r cyfrifiadur yn gwaith ac i'r system Ubuntu adra, a mae o yn gret.

Dwi wedi bod yn cael trafferth mawr gyda memory leakage tra'n defnydido Gmail, ond gobeithio bod y problemau hyny wedi'i ddatrys rwan.

Yn ogystal a gwell perfformiad, dyma 'chydig o'r nodweddion newydd:

Yr 'Awesome Bar', neu'r bar cyfeiriad newydd, sy'n cofio lle ti di bod ac yn gallu chwilio yn dy hanes pori am y tudalennau ti wedi ymweld â, hyd yn oed os ti'm yn cofio'r union gyfeiriad.

Llyfrnodi neu gadw >favourites gyda un clic

Systemau diogelwch sy'n rhybuddio os ti'n mynd i dudalennau amheus

Ysgrifen rhy fach? Gellir chwyddo'r dudalen i arbed straen ar y llygaid

Felly, am be ti'n disgwyl? Lawrlwytho Firefox 3.

'Steddfod yr Urdd

2008-05-19T16:47:00.002+01:00

Ti'n mynd?

Dwi yn, felly dwi di neud map o leoliad y maes. Defnyddiol, no?

View Larger Map

ON Fi sy'n defnyddio fy 'skill & judgment' i gesio lle mae o, ond dwi'n 99% siwr mod i'n gywir.

Damcaniaethau Cynllwynio

2008-03-13T14:24:00.003Z

Dau ddiwrnod ar ol iddo gael ei ddarganfod yn fawr ar ben Wyddfa, mae'r conspiracy theories wedi dechrau am Prif Gwnsatbl Michael Todd.

PC Todd arweiniodd yr ymchwiliad fewn i'r 'rendition flights' roedd y CIA wedi cynnal. Felly'n amlwg roedd y CIA wedi penderfynu mynd a fo i ben y Wyddfa a'i orfodi i ladd ei hun neu byddan nhw'n neud pethau caes i'w deulu.

http://www.rawstory.com/news/mochila/UK_top_cop_who_led_CIA_probe_found__03112008.html
http://reddit.com/info/6bv4b/comments/

Ond jyst cyn i fi hitio Publish Post, daeth i'r amlwg bod y 'sglyfath wedi bod mewn llefydd na ddyla fo

http://www.dailymail.co.uk/pages/live/articles/news/news.html?in_article_id=530692&in_page_id=1770&ct=5
http://www.timesonline.co.uk/tol/news/uk/article3542528.ece

O Wel. Ond mae o dal yn bygio fi 'i fod o wedi llusgo allan tim achub mynydd Llanbêr i'w gario lawr. Pam ddim naid off bont Britania?

Derek a Clive

2008-02-22T11:20:00.003Z

Un i wylio efo'r headphones 'mlaen.

Mae'r fideo yn iawn ond mae'r sain yn sicr yn AIG/NSFW.

Google Map o'r Wyddfa a'r Dwyrain

2008-02-04T14:34:00.001Z

Mae Google wedi ychwanegu lluniau hi-res o ardal y Wyddfa, ac ardaloedd y Dwyrain o'r ffin i Ddinbych. Gellir gweld y ddau ran yn y llun yma.

Dwi'm yn siwr pryd wnaeth hyn ddigwydd, ond dwi'n gobeithio ei fod yn arwydd y bydd Cymru gyfan wedi'i gynnwys cyn hir. Dwi'n falch iawn i weld hyn yn digwydd gan Microsoft Live Maps oedd yr unig un arall efo'r wybodaeth hyn.

Sut i ddefnyddio Word

2008-01-29T22:11:00.000Z

Y ddau beth sy'n cael ei ofyn amlaf i mi yn y gwaith yw'r rhain:

Sut i gael gwared ar y llinellau coch sgwigli

sut i stopio i droi yn I

Felly...

1:

Tools > Options

Dewis y tab Spelling and Grammar.

Cael gwared o'r tic yn y bocs 'Check spelling as you type'.

2.

Tools > AutoCorrect options...

Teipio 'i' yn y bocs Replace:

Bydd yna record yn y tabl i - I

Clicio unwaith ar y record hwn, yna clicio delete.

**

Felly plis pawb, stopiwch haslo fi rwan :-)

Rhoi help llaw i'r Heddlu

2008-01-29T21:26:00.000Z

Gwelwyd yn un o'r protestiadau gan yr heddlu yn ddiweddar.

Stondin yn cynnig cyngor ar sut i brotestio, ac yn rhoi ffwrdd arwyddion defnyddiol.

Mwy gan Indymedia.

Prysor vs Llwyd Owen

2008-01-21T21:19:00.000Z

Blas o'r noson gret a gafwyd ym Mhalas Print, Caernarfon, lle roedd Dewi Prysor yn holi Llwyd Owen.

Prysor vs Llwyd Owen.

Spamwyr

2007-12-04T12:17:00.000Z

Yntydi'r ffygars yn mynd yn fwy clefar bob dydd?

Cais?

2007-10-22T12:10:00.000+01:00

Llongyfarchiadau i De'r Affrig am ennill Cwpan Rygbi'r Byd 2007.

Wrth gwrs mae rhai yn awgrymu bod penderfyniad y Dyfarnwr Teledu yn anghywir. Dyma bedair ffram o'r fideo. Mae troed Cueto yn cyffwrdd y llinell yn yr ail a'r drydedd, a mae'r bel lawr yn y bedwaredd.

Dyma'r fideo cyfan:

via YouTube.

How to Win Friends and Influence People

2007-10-17T14:47:00.000+01:00

Newyddion da i bawb sy'n siarad yn blaen a galw rhaw yn dwat, mae Prifysgol Dwyrain Anglia wedi cyhoeddi ymchwil sy'n awgrymu bod rhegi yn y gweithle yn beth da.

Gall y defnydd o "iaith anghonfensiynol ac anwaraidd roi ryddhad emosiynol a bod yn ffordd effeithiol o hyrwyddo perthynas cymdeithasol ag eraill".

Mwy gan El Reg.

Amazon yn copïo'r Daily Meil

2007-10-12T16:17:00.000+01:00

Yn fuan wedi ail-lawnsiad o ddyluniad newydd y Daily Meil, mae Amazon yn gwneud yr un peth.

O'r diwedd penderfynodd rhywun bod y golwg 1998 ella mynd braidd yn hen, ac wedi talu rhywun i wendu o edrych yn well.

O'r olwg gyntaf, dwi yn ffan. Gobeithio bydd y wefan mor hawdd i'w defnyddio ag yr hen un.

*O'n i wedi trio cyhoeddi hwn ddydd Gwener, ond nid oedd yr image upload yn gweithio.

Firefox i'r ffon

2007-10-11T11:21:00.000+01:00

Gyda mwy a mwy o bobl yn defnyddio'r wê drwy eu ffônau symudol, mae Mozilla wedi cyhoeddi eu bod yn datblygu fersiwn o Firefox Mobile.

Mae Opera eisoes yn cynnig porwr i ddyfeisiadau symudol, sydd yn un o'r porwyr gorau i'r sgrin fach.

Mae datblygiadau fel hyn hefyd yn dangos pa mor bwysig yw dylunio gwefannau i safonnau modern. Mae gwefan sy'n defnyddio CSS yn mynd i edrych yn well a lawrlwytho'n gyflymach na gwefan sydd dal i ddefnyddio tables a tagiau font.

Mae hefyd yn dod i'r amlwg mae'r ffôn bydd cyfrifiadur pawb.

(Mae sibrydion bod Google yn lawnsio ffôn symudol rhad ac am ddim [yr iPhone laddwr]. Bydd y ffôn yn defnyddio meddalwedd côd agored, ac yn dod gyda nifer o raglenni.)

Baniwch o!

2007-09-21T17:05:00.000+01:00

Mae gwleidyddion yn aml yn hoff o neidio ar wagon y band, yn aml heb edrych yn ofalus lle byddant yn glanio.

Yn ddiweddar cafodd Jaqui Dean, aelod seneddol Otago yn Seland Newydd, lythyr gan etholwr yn awgrymu i fanio Dihydrogen Monoxide.

Dilyna'r linc i weld be ddigwyddodd.

Daily Meil Newydd

2007-09-12T14:14:00.000+01:00

Dwi'n falch i ddadorchuddio fersiwn 4 o'r Daily Meil.

Y cefndir yw golygfa o Moel Cynghorion o lwybr Llanberis fyny'r Wyddfa.

Nid yw'n edrych yn iawn yn Internet Explorer 6 eto - ond tyff, rhaid i chi ddisgwyl neu defnyddio porwr call.

Beth am adael sylw i ddweud sut mae'n cymharu a'r llall?

RSS Rygbi Cymru

2007-09-07T10:17:00.000+01:00

Mae URC yn cynnig ffrydau RSS o'u gwefan newydd (sydd o'r diwedd wedi cael gwared o'r splash page hynod annoying) gyda newyddion cyffredniol a newyddion am y tim cenedlaethol yng Nghwpan y Byd.

Nid yw'r ffrwd CyB yn gweithio (eto?), ond mae'r ddau ar gael ar dudalen RSS yr undeb.

2007-08-08T11:48:00.000+01:00

Cofiwch am y blog gwrdd dydd Sadwrn yma yn y bar am 3 o'r gloch.

Bydda i yna a Rhys Wynne, felly cofiwch ddod draw i ddeud helo.

Map o'r Steddfod

2007-08-06T16:32:00.000+01:00

I'r sawl sydd â diddordeb, dyma fap yn dangos lle mae'r Maes, Maes-B, Maes-C a'r Maes Carafannau; a canol tref Yr Wyddgrug a Chlwb Rygbi'r Wyddgrug.

Map Steddfod 2007.

Os hoffet ti wneud hyn dy hun, mae gen i erthygl ar y blog arall yn rhoi gwers syml ar Mapio.

Tu allan i'r bocs

2007-07-31T15:45:00.001+01:00

5 eiliad o glyfrwch. Paid o coelio popeth ti'n weld.

http://www.5segons.com/watch.php?id=2&v=K9hsIu6jPIg

Nything tw si hiyr

2007-07-17T20:30:00.001+01:00

Mae'r wê wedi'i ddileu. Mwy gan y Nionyn...

Newyddion Brys: Holl data wedi'i golli ar ol crash

Ffrwd mei.gwilym.net

2007-07-09T11:44:00.000+01:00

Ymddiheuriadau i'r rhai oedd wedi tanysgrifo i ffrwd newyddion mei.gwilym.net/blog, mae o 'nôl yn gweithio rwan yn iawn.

Mwy ar y blog.

Blog Gwrdd 2007

2007-07-06T11:28:00.000+01:00

I helpu'r achos, dyma fathodynnau i roi ar eich blogs. Mae tri maint: bach, canolig a mawr.

Copïa'r côd i dy flog, i arddangos y bathodyn.

Cofis ar Tour

2007-06-29T12:54:00.000+01:00

Hogia Rygbi dre yn Morbegno, gogledd yr Eidal ar drip rygbi.

Noethni:

Transvestitism:

Pa Bizza?

2007-06-18T22:55:00.000+01:00

Mae hwn yn rwbath sydd wedi bod yn nocio rownd yr hen ben 'ma ers talwm, felly mae'n amser i fi neud rwbath efo fo.

Ystyried o'n i pan yn disgwyl am bizza yn y têc awe ym Mangor ucha un noson. Be fysa'r mwya? Un 12" ta dau 6"?

Be am sbio ar y maths?

Y fformiwla am arwynebedd cylch (gan gymryd yn ganiataol bod y dyfnder yr un peth) yw πr², lle r yw'r radius.

Felly i'r 12":

π × 6²

neu

π36

A dau 6":

2 × π × 3²

neu

π18

Mae'n ymddangos bod un 12" ddwywaith yn fwy na dau 6". Os ti efo ffrind ac am gael un 6" yr un mewn siop bizza, ella sa'n well i chi gytuno ar topping a cael un 12".

George Bush a'r Dewin

2007-06-13T08:44:00.000+01:00

Mae George wedi mynd i weld rhai o'i ffans mwyaf yn Albania.

Dyma fideo o George yn cyfarfod y bobl yn un o'r dinasoedd. Mae'r wen ar ei wyneb yn dangos pa mor ecseited ydi o i weld pobl sy'n ei hoffi fo 'go iawn'.

Yn anffodus, mae na rai yn benderfynol o'i embarasio fo, sylwer ar oriawr George druan yn diflannu rhwng 0:50 a 1:00 mewn i'r fideo.

via youtube.

mei.gwilym.net

2007-06-07T10:00:00.000+01:00

Ar ôl ista arno ers amser, dwi wedi gwneud defnydd o gwilym.net.

O hyn ymlaen byddaf yn ysgrifennu pethau mwy technegol ar fy mlog newydd, mei.gwilym.net/blog.

Dwi wedi ysgrifennu rhai erthyglau yn barod (dim gwaeth na "Dwi wedi dechrau blog!" heb ddim yna) a dwi am geisio ychwanegu erthyglau yn gyson.

Dwi ar ganol cyfres o erthyglau rwan, sydd dal mewn drafft, ond byddant yn cael eu cyhoeddi yn fuan.

Mae'r blog yn rhedeg ar Wordpress 2.1.2 gyda'r thema Hemingway 0.19 gan Kyle Neath.

Mae o'n gyfle i mi ysgrifennu pethau fwy technegol, cyhoeddi pethau dwi wedi creu, ynghŷd â cael chwarae gyda Wordpress.

Google maps - a lluniau!

2007-06-06T11:41:00.000+01:00

Mae di bod yn annodd osgoi'r heip ynglŷn â Google maps Street View.

Mae na lu o faniau gyda chamerau 360gradd wedi gyrru rownd San Fransisco, Las Vegas, Denver, Efrog Newydd a Miami i ddarparu golwg o'r stryd i'r mapiau sydd eisoes ar gael.

Felly dyma rhywun yn mynd a'r sbwriel allan yn SF, dynes yn croesi'r stryd yn Oakland (SF), Las Vegas Boulevard, a dyn yn dewis yr amser gwaetha posib i adael strip club.

Chris Cope o Flaen fy llygaid

2007-05-15T22:10:00.000+01:00

Dwi newydd rhoi switch off i'r rhaglen am Chris a Rachel yn symud i Gymru.

Rhaglen dda wnaeth i mi feddwl fwy am sut beth fysa codi pac a symud i rhywle hollol randym.

Yr argraff fwyaf geshi o'r rhaglen oedd ymroddiad Rachel i benderfyniad Chris i droi popeth ben i lawr a symud yma. Dwi'n llawn edmygedd iddi ei gefnogi gan roi ei swydd i fyny am ddyfodol ansicr iawn mewn gwlad ddierth a gwahanol.

Ond o'n i'n siomedig o glywed nad oedd Chris druan wedi cael llawer o groeso gan ei gyd-fyfyrwyr ar y cwrs.

Dwi'n falch bod 'na bobl callach o gwmpas sydd wedi dangos mai nid basdads sych ydan ni gyd, a rhoi croeso cynnes iddyn nhw'n dau.

Roedd gweld yr ups & downs yn ddiddorol, ac roedd gen i a Catrin drueni drosto pan yn anobeithio cyn y Nadolig, ond yn falch i weld y penderfynrwydd yn dychwelyd yn y flwyddyn newydd.

Pob lwc i'r ddau am y dyfodol. Neshi fwynhau y rhaglen yn fawr a mae'n bechod bod o wedi rhoi fyny ar ei freuddwyd o fod yn Gymro. Iesu - os deith o i dre a deud bod o o Gaerdydd fysa 'na neb callach!

Urban Myths

2007-05-14T12:11:00.000+01:00

Eshi ar noson stag fy mrawd yng nghyfraith i Ynys Manaw tua tair wythnos yn ôl.

Tra yna cododd y stori am y boi aeth i Amsterdam efo'i fets, a ddiweddodd fyny ar lwyfan gyda dyn du yn neud pethau ofnadwy iddo fo. Roedd rhai yn taeru bod y stori yn wir, a bod y boi dal yn 'sbyty yn ceisio dod dros y peth.

Felly eshi ar snopes.com ar ôl dod nôl i weld os oedd 'na unrhyw beth yna fysan awgrymu mai urban myth oedd o. Gan na ddarganfyddais i ddim, dyma fi'n ysgrifennu i'r wefan a adrodd y stori.

Geshi ateb nol bron yn syth, yn dweud mai variant o stori arall ydi o. Mae hi wedi ychwanegu fy ebost i at y dudalen, felly cliciwch i'w darllen.

Wufoo

2007-04-12T11:37:00.000+01:00

Mae ffurfleni HTML yn ran anatod o'r wê. Faint o ffurfleni'r wythnos wyt ti'n eu llenwi? Mae angen ffurflen i ymuno, i adael sylwadau, i ofyn am rhywbeth ayyb ayyb.

Yr hasl efo ffurfleni ydi eu hadeiladu. Heb son am fod angen siarad HTML, mae hefyd angen cysylltu i fâs–data, gwiro’r wybodaeth a'i brosesu.

Felly i'r rhan fwyaf o bobl, mae Wufoo yn cynnig gwneud hyn i gyd i chi.

Mae adeiladu ffurflen gyswllt, gofrestru neu holiadur yn syml iawn gyda'r rhyngwyneb drag ‘n’ drop mae Wufoo yn ei gynnig.

Gan bod Wufoo yn cynnig cynllun dechreuol am ddim, dwi wedi'i ddefnyddio i gynnig ffurflen gyswllt ar y Daily Meil, sy'n ymddangos yn y bar ochr. Mae Blogger yn system syml, ac mae hyn yn ffordd hwylus o ychwanegu at y blog.

Mae rhagor o esiamplau Wufoo yma.

Diwedd DRM

2007-04-02T16:12:00.000+01:00

Roedd cynhadledd i'r wasg p'nawn 'ma gan EMI a Steve Jobs (CEO Apple) ynglyn â DRM.

Gyda Jobs wedi galw yn ddiweddar am rhoi terfyn i DRM, roedd disgwyl i'r ddau gyhoeddi ffordd ymlaen i gyhoeddi cynnwys electronig heb DRM - a dyna yn union beth ddigwyddodd.

Cyhoeddwyd bydd EMI yn cynnig eu holl gatalog o gerddoriaeth heb DRM. Y partner cyntaf yn hyn bydd iTunes, gyda traciau yn costio £0.99c. Mae hyn 20c yn fwy na'r cyffredin, ond bydd y ffeiliau o safon uwch, ac felly'n gwell deal (yfmi).

Mae sleidiau o'r gynhadledd ar techCrunch.com.

Allweddfwrdd

2007-03-26T11:09:00.000+01:00

Tria teipio hwnna mewn naw keystroke.

Dwi wedi sôn o'r blaen am Optimus, yr allweddfwrdd sy'n gallu arddangos unryhyw lythyren.

Ond, blwyddyn a mwy lawr y lon, does 'na dal ddim hyd yn oed model prawf ar gael. A gyda'r amcanbris wedi bodi o £650 i £800 mae'n anhebyg bydd y rhan fwyaf ohonom yn sblasho allan.

Felly efallai dyma'r agosaf y byddan ni at dyfais o'r fath.

Optimus.

Camddarllen

2007-03-23T12:33:00.000Z

Hollol randym ond o'n i'n teimlo bod rhaid rhannu hwn.

O'n i'n darllen am y ffilm Dangerous Men yn y G2 heddiw:

"...story of a young woman taking violent revenge on the murderous sociopaths who offered her finance has been compared to Spike Jonze."

A do'n i methu deall pam fysa pobol oedd yn sociopaths mileinig yn cynnig cymorth gyda phroblemau ariannol.

Wedi ail ddarllen daeth y gwall i'r amlwg:

the murderous sociopaths who offed her fiancé...

Sbectol?

Hunllef

2007-03-22T14:56:00.000Z

Wrth ddilyn hysbyseb ar maes-e, ddeshi ar draws gwefan Cowbois.

Be geshi oedd miwsig Caban yn blerio heb ddim ffordd i'w ddiffodd, a'r testun yn <blincio> arna i.

Nid oes rhaid dweud i mi adael yn syth...

Ty Anfarwol

2007-03-14T16:02:00.000Z

Neu Sut i beidio a gwerthu ty.

Ty hyfryd dwy stafell yn Cotton End Bedfordshire.

Gweler llun rhif 2...

Updet: Mae'r asiant yn amlwg wedi clicio, a newid y llun. Cael y stori o The Register wnes i, ond mae'r llun gwreiddiol dal ar eu gwefan.

2007-03-02T10:43:00.000Z

Dwi chydig yn araf efo hon, ond mi wnaeth y stori am yr holl fariwana cafodd ei ddympio ar ffarm yn Nant Ffrancon wneud i fi wenu.

Roedd y ffarmwr druan yn bryderus dros ei anifeiliad, petai nhw wedi bwyta'r gwair gwirion.

Os felly, ydi o'n poeni am yr holl fajic myshrwms mae'r gwarthaig a'r defaid yn mynshio bob blwyddyn? Sdim rhyfedd bod ganddynt lygaid fel soseri!

Gol: Diolch i Rhys am yr ysbrydoliaeth

Dydd Gwyl Dewi

2007-03-01T12:15:00.000Z

Dydd Gwyl Dewi hapus i ti.

O'n i'n gweld ar flog Chris bod yr e-ddeiseb wedi bod yn aflwyddiannus, er gwaethaf sylwadau Yncl Gordon.

Gwnaeth hyn i mi feddwl am be mae diwrnod i ffwrdd o'r gwaith yn golygu. 'Da ni'n gofyn am ddiwrnod o wyliau i ddathlu gwyl ein nawddsant a/neu Cymru a Chymreictod.

Ond pam bod angen diwrnod o wyliau? Fyswn i ddim yn aros adra i wisgo'r wraig mewn gwisg traddodiadol a chanu cerdd dant trwy'r dydd, gyda chawl cenin a Welsh Lam© i ginio.

Os fysa 'na wyliau heddiw fyswn i wedi deffro'n hwyr, ac ella gwneud rhywbeth yn yr ardd neu'r ty neu mynd i rhywle am dro.

Beth fuasa ti'n gwneud ar dy ddiwrnod ffwrdd? Ta ydi hyn yn frwydr symbolaidd i gael rhyw fath o recognition pellach i Gymru?

Sut i adeiladu Web App

2007-02-28T17:08:00.000Z

Dwi wrthi'n ymchwilio sut i adeiladu rhaglen ar y wê, a un dwi wedi bod yn sbio fewn i yn benodol yw Flickr.

Dwi'n ffan mawr o Flickr ac yn ei ddefnyddio'n aml, felly roedd canolbwyntio arno'n ddewis amlwg.

Un ffynhonell amlwg am bensaerniaeth Flickr oedd y gweithdy a roddwyd gan Cal Henderson, un o brif benseiri Flickr.

Er nad oes gwybodaeth gan y dyn ei hun, mae'r blogwyr hyn yn rhoi crynodeb ddiddorol am y gweithdy:

Jeff Kubina yn manylu ar ei flog Vogon Poetry

Tom Coates yn rhoi syniad o'r sgwrs ar ei flog ef, PlasticBag.org

Dare Obasanjo yn rhoi darlun mwy technegol ar 25hoursaday.com

Ac wrth gwrs, y photoset Flickr anochel

Nid dyma'n union be o'n i'n chwilio am chwaith, ond maent werth eu darllen, os oes gen ti ddiddordeb yn y math yma o beth.

Gol: wedi darganfod copi o'r sleids a ddefnyddwyd (.pdf).

Casgliad

2007-02-28T12:14:00.000Z

Y Bloomframe: ffordd gret o ychwanegu balconi i unrhyw dŷ. Wedi'i gynllunio gan benseiri o Amsterdam, dwi'n siwr na fydd o'n rhad.

Keyboard steampunk, i gael y teimlad 40s na pan yn blogio.

I gloi, Quintura, sef injan chwilio sy'n defnyddio cwmwl tag (tag-gwmwl? tagwmwl?) i awgrymu termau cysylltiedig. Tria fo allan.

swfIR

2007-02-27T21:37:00.000Z

Chwi ddylunwyr i'r we - Llawenhewch!

Er gall HTML a CSS wneud llawer o hyfrydwch mewn porwr, mae swfIR wedi cyrraedd i'w cyfuno gyda hud a lledrith Flash a Javascript i fynd a'r pwer yna ymhellach.

Mae swfIR yn addurno delweddau ar y dudalen gyda border, cysgod, corneli crwn; yn troi'r ddelwedd ar ongl, ac hefyd yn gallu ymestyn delwedd gyda'r dudalen. Hyn i gyd heb amharu dim ar strwythur y côd na hygrydedd y ddogfen: progressive enhancement.

Gall geiriau ond gwneud hyn a hyn, felly dos i'r dudalen i weld yn union am be dwi'n siarad.

Ubuntu

2007-02-19T16:42:00.000Z

Neshi allu osod Ubuntu ar y PC adra neithiwr heb ddim stress. Mae Ubuntu yn gwerthu'i hun fel system sydd yn Jyst Gweithio™, a dyna'n union wnaeth o. Doedd dim angen i mi ffidlan o gwbl, jyst agor Firefox a roedd y wê yn barod.

Doedd hi ddim wedyn yn drafferth i lawrlwytho'r updates (un glic) i gael y system yn barod, ac yna pimpio fo 'chydig gyda'r cyfarwyddiadau hyn i ymdebygu i FacAfal. Oce, ella bod o'n edrych chydig fel "OS X o Matalan" fel udodd fy ffrind Macaidd, ond llawer rhatach na Matalan, gan gostio union £00.0 i mi.

Mae werth cael y live CD oherwydd gellir ei redeg o'r CD, heb orfod gosod dim ar y ddisgen galed, a cholli'r holl stwff pwysig 'na.

Heno dwi am osod file server i allu rhannu'r lluniau a'r gerddoriaeth sydd ar y peiriant efo'r gliniadur sydd fyny grisiau, ac LAMP er mwyn i mi gael datblygu i'r we heb orfod tarfu ar fy server byw.

Dwi wedi chwarae efo Linux o'r blaen a gosod Mandriva, ond nid oedd o'n llawer o hwyl. Mae'r Ubuntu llawer gwell, ac, fel mae'r tagline yn mynd: "Linux for human beings".

Tata Bill Gates!

Sofa King Cool

2007-02-05T10:12:00.000Z

Mae hwn yn edrych fel un o'r petha na na'i ddechrau adeiladu, ond ei adael ar ei hanner ar lawr y garej am chwe mis.

Handi os 'da chi newydd brynu un o'r rhain.

Pop

2007-02-01T14:42:00.000Z

Gwnaed ymdrech ddydd Mawrth i lawnsio roced o hen blatfform olew. Roedd y roced yn cario lloeren gyfathrebu o'r Iseldiroedd.

Yn anffodus nid oedd yn llwyddiannus:

Roced yn mynd pop

Web 2.0 neu Star Wars?

2007-02-01T12:35:00.000Z

Cwis syml i weld os wyt ti'n gwybod y gwahaniaeth rhwng cwmnïau modern a threndi Web 2.0 a chymeriadau Star Wars.

Vista: Windows newydd

2007-01-30T15:43:00.000Z

Rhyddhawyd Vista heddiw, sef system weithredu newydd Microsoft.

Fydda i ddim yn ei brynu. Mae angen uffar o gyfrifiadur cryf i redeg y feddalwedd, a well gen i adael y RAM i chwalu apps 3D a golygu a renderio fideo na gwneud y peiriant edrych yn well. Mae eraill o'r un farn.

Fysa chdi well off efo Mac. Yn enwedig gan bo Mitchell & Webb yn gwneud y hysbysebion rwan.

I ddeud y gwir, dwi mwy ecseited am y Ubuntu newydd sydd ar y ffordd. System arall sy'n seiliedig ar Linux, bydd Ubuntu Studio yn cynnig rhaglenni golygu fideo, graffeg a sain, a hyn i gyd yn rhad ac am ddim.

Iaith leiafrifol

2007-01-27T00:15:00.000Z

Fideo anhygoel ar YouTube gan silentmiow, merch ag awtistiaeth.

Mae rhan cyntaf y fideo yn ei iaith ei hun, a'r ail rhan yn cynnig esboniad.

Mae hwn wedi gwneud i fi feddwl am awtistiaeth fel wnes i ar ôl darllen The Curious Incident of the Dog in the Night Time.

Mae'r rhan cyntaf ychydig yn hir, ond werth gwrando ar mwyn cyrraedd yr ail ran.

Thema Wordpress -u -p

2007-01-24T15:57:00.000Z

I'r chi sydd dal yn hoff o'r command line, dyma thema wych ar gyfer Wordpress.

CLI-10

Cyfieithyn

2007-01-24T12:59:00.000Z

Mae Smashing Magazine newydd gyhoeddi eu hoff bookmarklets. Bookmarklet yw bookmark neu favourite efo tamaid o Javascript ynddo i wneud rhywbeth penodol. Ar hyn o bryd dwi'n defnyddio un i roi tudalennau yn del.icio.us.

Dechreuais amser yn ôl ar estyniad i Firefox i gyfieithu o'r Saenseg i'r Gymraeg. Mae geiriadur.net yn dda ond chydig o hasl. Yn anffodus nid ydi fy sgiliau Javascriptio ddigon cryf i allu adeiladu estyniad cyfan, ond di hacio bookmarklet ddim yn annodd.

Felly os wyt ti'n ffindio dy hun yn cyfieithu lot (fel fi), dyma ddau lyfrnodiad (?!) bydd yn handi. Mae'r cyntaf yn cyfieithu o'r Saesneg i'r Gymraeg, a'r ail o'r Gymraeg i'r Saesneg.

En>Cy ac Cy>En

Llusga (drag&drop) nhw i'r bar llyfrnodau ar frig y porwr. Yna gelli unai ddewis (highlightio) y gair o'r dudalen wê a chlicio'r llyfrnodiad, neu os nad yw'r gair ar dudalen, clicia a bydd b;lwch yn gofyn am y gair. Bydd y porwr wedyn yn agor tudalen geiriadur.net efo'r cyfieithiad.

Os ti am newid y testun i rhywbeth arall, clic chwith arno a dewis Properties.

Mae 'na chydig o bethau fyswn i'n licio ychwanegu ato, ond nai sôn am rheina pan byddai wedi deall sut. Tan hynny, gobeithio gei di ddefnydd ohono. Mwynha!

Estyniad y Dydd

2007-01-23T11:04:00.000Z

Dwi newydd osod hwn ar Firefox, a mae o'n briliynt.

Mae o'n creu'r un effaith pan yn newid tabs yn Firefox â sy'n digwydd pan yn rhedeg dau virtual desktop ar y Mac. Mae fideo yn deud yn well na fi:

Tab Effect

Mae angen DirectX 8 i'w redeg, felly dylir unrhyw gyfrifiadur llai na dwy oed wneud yn iawn.

Er ei olygusrwydd, dwi'n meddwl bydd o'n cael switch off yn fuan achos dwi'n hoff o sgipio tabs yn gyflym, a mae hwn yn arafu'r broses.

Cor Cyntaf i'r Felin

2007-01-23T09:49:00.000Z

Ar ôl gadael i'r wefan wreiddiol bydru mewn cornel anghysbell o'r w≖c, dwi wedi'i ailwampio ac fe'i lawnsiwyd ddoe.

Mae rwan yn flog lle bydd y côr yn cyhoeddi y newyddion diweddaraf, ynghyd â fideos, Lluniau ac MP3s.

Cor Cyntaf i'r Felin

Help i Hunanladd

2007-01-22T15:51:00.000Z

Os ti'n trio topio dy hun yn Mecsico, ac yn methu, mae'r heddlu yn fwy na pharod i helpu.

Comed McNaught

2007-01-22T12:39:00.000Z

Fethish i weld y gomed hon pan oedd hi yn hemisffer y gogledd. Roedd i'w gweld o gwmpas machlud yr haul yn isel uwchben y gorwel yn y de-orllewin, ond roedd gormod o gymylau (sydd wedi stopio fi fynd a'r TAL allan o gwbl flwyddyn yma).

Mae hi rwan yn hemisffer y de, ac yn rhoi golygfeydd arbennig.

Dyma lun ohoni gan Kevin Crause, gyda'r gynffon yn creithio'r awyr.

Rhagor o luniau

Fideos

2007-01-21T16:58:00.000Z

Tri peth o nod wedi dod i'r amlwg. Y ddau gyntaf gan Adam Buxton

Richard, Judy & Dave

McCall & Birdseye

Yr trydydd yn rhywbeth fyswn i'n licio neud, ond methu

Kitchen mixing

Lembit Grope-it

2007-01-15T09:50:00.000Z

Pwy sy'n darllan PopBitch?

Lembit goes to Crystals

Thanks to his enjoyment of canvassing the female voters in the night-spots of his constituency, Montgomeryshire, Lembit Opik has earned a new nick-name - Lembit Grope-it.

The girls of Newtown's only nightclub, Crystals, have been sharing their joy that this year their MP brought the Cheeky Girls on his nights out. (Though some of them wonder what Gabriella makes of his foot fetish?)

Concept Album y Flwyddyn

2007-01-05T11:51:00.000Z

Songs so emotional, they make me go weak at the sphincter.

Pet Sounds?

Majestic. Spellbinding. Intensifying. Glorious. Tear Jerker. Just a few words to describe this exquisite and well crafted album.

Dark Side of the Moon?

Were there to be but one copy remaining in the world, and had my own copy been mysteriously burned in a catastrophic fire in which I had been unable to risk my life rescuing it, I would gladly sell my children into slavery to buy that last remaining disc.

Sgt Pepper?

Naci, ond albym newydd Katie 'Jordan' Price a Peter Andre.

Mae'r dyfyniadau hyn a llawer eraill ar dudalen adolygiadau o'r albym ar wefan amazon.

Y Rhyngwe Gas

2007-01-03T15:59:00.000Z

Des i ar draws stori ar wefan y BBC on i wedi cael cip ohoni ar y radio bore 'ma, sef y fideo ar YouTube o fachgen yn chwalu ffenestr yn yr ysgol.

Roedd y boi yn meddwl ei fod â hawl i falu'r ffenestr oherwydd y ffordd roedd wedi cael ei drin gan athro.

Beth oedd yn annoying oedd ymateb Chris Keates, Ysgrifennydd Cyffredinol NASUWT:

Unfortunately, any yob or vandal can now have their 15 minutes of fame, aided and abetted by readily accessible technology and irresponsible internet sites which enable such behaviour to be glorified.

Yr unig un anghyfrifol yma oedd yr hogyn a'i fets. Mae beio YouTube am hyn fel cyhuddo'r fricsen o gytuno i gael ei thaflu.

Hapi Dolig!

2006-12-24T09:28:00.000Z

Oherwydd gwaith a'r mab, dwi wedi bod yn dawel yn ddiweddar (ee mae gen i 1298 o negeseuon heb eu darllen ar bloglines!).

Felly Dolig Llawen i bawb sy'n darllen hwn.

Dyma fideo sy'n dangos planedau ein system solar wrth ei gilydd, ynghyd â rhai o ser adnabyddus y bydysawd.

Dwi â diddordeb yn y ser ers blynyddoedd, ond do'n i 'rioed wedi sylweddoli mor fach yw ein haul ni i gymharu a rhai o'r ser eraill yn y bydysawd.

I'r rhai sydd ddim mor gyfarwydd, dyma'r ser sy'n ymddangos:

Sirius yw'r seren fwyaf llachar yn yr awyr. Gellir ei gweld wrth draed Orion, yr heliwr.

Pollux, un hanner o efeilliaid Gemini. Mae Pollux wastad yn agos i'w efaill, Castor.

Arcturus yw'r seren lachar yn Bootes. Gellir ei darganfod drwy ddilyn cynffon yr Arth Fawr, neu handlen y sosban, mewn arc ar hyd yr awyr.

Rigel, y seren gyntaf yn y casgliad hwn o Orion, mae Rigel yn ffurfio'i benglin chwith.

Betelgeuse (neu Beetlejuice), eto o Orion, mae Betelgeuse yn ffurfio'i ysgwydd dde.

Antares, o gytser Scorpius, oherwydd ei safle yn yr awyr mae'n annodd i'w gweld.

Mu Cephei a VV Cephei o Cepheus, rhain yw'r rhai o'r ser mwyaf yn y bydysawd.

Am fwy o wybodaeth beth sy'n yr awyr heno, ewch i wefan Sky & Telescope a chlicio ar yr Interactive Sky Chart.

Mwy o stress i Microsoft

2006-12-01T11:40:00.000Z

Rhyddhawyd Internet Explorer fersiwn 7 yn ddiweddar gan Micro$oft.

Roedd hwn fod i fynd efo Vista yn 2007, ond gyda llwyddiant Firefox ac Opera et al yn cynyddu roedd criw Redmond wedi gwthio'r dyddiad ymlaen.

Mae'r porwr wedi'i wella ers IE6, gyda gwell triniaeth o CSS (felly mae gwefannau yn arddangos yn well) a hefyd yn cynnwys tabiau ac yn y blaen.

Nid ydw i wedi'i ddefnyddio eto (rhaid i fi gadw IE6 ar fy nghyfrifiadur er mwyn profi gwefannau) ond nid ydi'r clod wedi bod yn uchel.

Mae nifer yn dweud bod Microsoft wedi gwella'r porwr, a bod triniaeth o CSS yn llawer gwell na'r hen, ond mai diweddariad o IE6 ydi, ac nid y porwr gorau ar y farchnad. Efallai ei fod wedi cyrraedd lefel Firefox 2.0, ond mae'r plug ins sydd ar gael i Ff yn ei wthio i'r brig yn hawdd.

Mae CNet wedi rhoi 7.0 allan o 10 iddo fo, ond mae defnyddiwr CNet ond yn rhoi 5.3 allan o ddeg.

A gyda rhyddhad Windows Vista yn 2007, sef system weithredu newydd Microsoft i gymryd lle Windows XP, mae nifer yn disgwyl yn eiddgar.

canran uchel o'r niferoedd hynny yw hacwyr a chracwyr y byd, sy'n glafoerio am y cyfle i roi cic yn din Microsoft. Ond mae Bil a'i fets yn hyderus na fydd Vista â'r un problemau diogelwch â pob fersiwn arall o'u system weithredu, ac maent wedi rhoi cyflwyniad i gynhadledd diogelwch Black Hat dros yr haf.

Mae cwmnïau diogelwch yn dweud na fyddent yn colli cwsg yn poeni am golli busnes.

Sgrech Wilhelm

Efallai bydd hwn yn swnio'n gyfarwydd: y sgrech â recordiwyd yn y 1950au sydd wedi'i ddefnyddio ganwaith ers hynny mewn ffilmiau.

2006-11-29T10:30:00.000Z

I chi sydd efo tair mlynedd werth o luniau, fideo a ffeiliau ar ddisgen galed sy'n mynd i farw unrhyw ddiwrnod, fel ym...myfi, mae tudalennau The Tao of Backup yn actio fel sbardun i wneud rhywbeth am y peth.

Off i Dabs rwan i brynu NAS.

Mwy o gariad na bws llawn hipis

2006-11-28T21:14:00.000Z

Mae John Oxton, y dyluniwr gwe, wedi rhyddhau ei ddyluniad enwog 'Bus Full of Hippies' ar drwydded Creative Commons.

Felly mae'r cynllun ar gael i'w ddefnyddio gan unrhywun ar ei flog, heb gael e-bost dilornus gan John am ddwyn ei waith.

Mae'r templad ar gael fel tudalennau HTML a CSS, ac fel templad i flog Textpattern.

Dylunio a CSS

2006-11-23T11:28:00.000Z

Mae un o'r dylunwyr gwe enwocaf, Andy Clarke, wedi rhyddhau ei lyfr cyntaf, Transcending CSS: The Fine Art of Web Design.

Gan bod gymaint o lyfrau technegol i helpu gyda dysgu CSS ar gael, Mae Andy wedi creu llawlyfr i'r dylunydd creadigol hwnnw sydd heb y sgiliau i ysgrifennu côd, ond sydd am greu campweithiau heb adael i'r diffyg gwybodaeth amharu ar y dyluniad terfynol.

O Loegr yn wreiddiol, mae Andy yn byw a gweithio ger Y Rhyl. Mae'n rhedeg y cwmni dylunio Stuff and Nonsense (a ddyluniodd gwefan Tractors Emyr Evans!), yn cadw'r blog poblogaidd And All That Malarkey, ac yn siarad am CSS a Dylunio mewn cynhadleddau dros y byd.

Teklyn kool Kuler

2006-11-22T09:41:00.000Z

Mae Adobe Labs wedi rhyddhau dyfais glyfar i gynorthwyo dylunio cynllun lliw.

Mae Kuler wedi'i adeiladu yn Flash, ac mae posib creu thema drwy ddewis un lliw, ac yna dewis rheol: Analogous, Monochromatic, Triad, Complimentary, Compound a Shades. Bydd Kuler yna'n cynhyrchu'r lliwiau eraill i gyd fynd a'ch gwreiddiol.

Wedi dewis lliw a rheol, mae posib wedyn i wneud newidiadau i'r rheol er mwyn cael thema union. Ac os nad ydi un o'r rheolau'n plesio, mae'n bosib gwneud rheol bersonol.

I gadw popeth yn Web 2.0aidd mae posib cadw'ch cynllun lliw, ei rannu a edrych ar gynlluniau mae eraill wedi'u cynhyrchu. Bydd rhaid cael cyfrif â Adobe i wneud hyn.

O'n i'n arfer defnyddio Color Schemer Online, ond Kuler fyddai yn mynd at tro nesaf.

CD Newydd Siwan Llynor

2006-11-16T09:58:00.000Z

Bydd Siwan yn lawnsio'i CD newydd, Plu'r Gweunydd, heno yn Galeri Caernarfon, am 7.30. Cyflwynir y noson gan Gwion Hallam, yng nghwmni Côr Cyntaf i'r Felin.

Gellir gwrando ar rai traciau, a prynu'r CD ar ei gwefan siwanllynor.co.uk.

Awe 'fo'i ynde!

Big=good

2006-11-15T10:54:00.000Z

Dwi'n darllen nifer fawr o flogs am ddylunio a datblygu i'r wê, ac felly dwi'n dod ar draws nifer o ddyluniadau diddorol.

Un sydd wedi gwneud argraff yw ModernLifeIsRubbish.co.uk, sef presenoldeb electronig Stuart Brown, dyluniwr a datblygwr llawrydd o Fanceinion. Mae ei erthyglau yn bennaf am dadtblygu i'r wê, yn rhai graenus, ac wedi'u hysgrifennu yn wybodus ond y dyluniad dwi'n hoff o fwyaf.

Mae wedi mynd a'r trend ffonts mawr Web 2.0 i'r eithaf, gan ddefnyddio Georgia 44 pwynt fel pennawdau (a defnyddio'r pseudo-elfen :first-line yn gelfydd).

Mae'r wefan yn esiampl wych o'r hyn sy'n bosib gwneud â CSS, a heb ddibynnu gormod ar Photosiop.

Microsoft goes open source

Geshi sioc y diawl pan welish i bod MS wedi cymryd côd sanctaidd Mozilla a rhyddhau MSFirefox.

Mae'n cynnig gwasanaethau chwilio gwell (MSN Search) a diogelwch rhag meddalwedd all amharu Windoze, fel McAfee neu Symantec.

Buddigoliaeth yr Achentwyr

2006-11-14T12:02:00.000Z

Fethish i wylio'r gem dros y penwythnos, felly dyma rhai o'r darnau gorau.

Does dim gwell na gweld "England rugby" a "total shambles" yn yr un frawddeg...

Lloegr vs Arianin

Explosive

2006-11-09T23:07:00.000Z

Glywsoch chi am yr idiot sticiodd roced fyny'i dîn?

Roedd raid i John Marsh, Radio 2, ddarllen y stori newyddion.

Simpsons go iawn

2006-11-03T16:53:00.000Z

Na, dim fi ar ôl cael plentyn, ond Dan Castellaneta a Harry Shearer yn siarad â Conan O'Brien.

via YouTube.

Yr Etifedd

2006-10-27T14:52:00.000+01:00

Wel o'n i'n hollol rong. Cymrodd Brychan tan neithiwr i gyrraedd, megis yr Ymerawdr, union 48 awr ar ôl y contraction cyntaf nos Fawrth.

Doedd y 36 awr cyntaf ddim yn ddrwg, ond roedd y 12 olaf yn hunllefus.

Ond ta waeth, mae o yma rwan a mae o'n iawn.

Stats: 3.66kg, neu 8 lb 1 oz. 52cm o hyd, sydd 2cm hirach na'r cyfartaledd (suprise suprise...).

Dyma fo yn ceisio byta'i fysedd.

Poen

2006-10-25T18:26:00.000+01:00

Dechreuodd y contractions neithiwr am 11.00yh, a ma' nhw wedi bod yn eithaf cyson ers hynny. Profiad rhyfedd oedd gwylio Amanda Donohoe yn prancio rownd ynys yn noeth am 2yb tra roedd Hi yn griddfan.

Hyd yma 'da ni dal adra yn disgwyl i bethau fynd yn waeth. Dwi'n meddwl bydd o'n glanio o gwmpas hanner nos heno.

Dwi felly 'di cael rhyw 3 awr o gwsg yn y 36 awr diwethaf, a dwi'm yn siwr faint fyddai'n cael heno.

Rhaid mynd - mwy o weiddi!

Blogio Gwleidyddol

2006-10-23T10:32:00.000+01:00

Mae'r blogiwr torïaidd blaenllaw Iain Dale, yn rhoi rhestr eithaf cynhwysfawr o'r blogs gwleidyddol Cymraeg. Wedi deud hynny, mae o dal yn lincio i NatWatch...

Byd Newydd

2006-10-20T14:18:00.000+01:00

Os wyt ti'n un o'r rheina sy'n hoff o wneud poen ar eu hunain, fydd hwn yn uffar o durn on.

Peter Andre a'i annwylyd yn canu 'A Whole New World'.

Ma' Peter yn crap, ond ma big J yn boenus o wael.

Mae o'n swnio fel spoof, a dyna di'r lein ma'r cwpwl hoffus yn cymryd, ond mae o dal werth i'w wrando.

IE7

2006-10-18T17:01:00.000+01:00

I geisio ymateb i'r bygythiad mae Firefox wedi gwneud i fyd y porwyr, mae Microsoft wedi rhyddhau fersiwn 7 o'u porwr poblogaidd, Internet Explorer 7.0.

Fel dwi wedi efengylu yn y gorffenol, Firefox yw'r porwr dwi'n ei ddefnyddio pob dydd, ac mae MS wedi ceisio dod a IE7 i'r un gynghrair.

Mae'n gallu defnyddio tabiau, darllen RSS a mae gwell diogelwch rhag feiryses, malware ayyb.

Er nad ydw i'n keen ar feddalwedd Redmond, dwi am gadw meddwl agored am hwn. Dwi wedi clywed nad ydi'r gefnogaeth CSS* mor gyfansawdd â Firefox, Safari et al, ond amser a ddengys.

Os bydd o'n cymryd lle IE6 fel y porwr mwyaf poblogaidd mi fydd o'n gwneud fy mywyd i'n haws, o leiaf.

*Oes na gyfieithiad gwell i 'CSS Support'?

Chwilio efo attitude

2006-10-18T15:45:00.000+01:00

Mae Gwgl yn gallu bod yn, wel, chydig yn llywath weithia.

Os tisho chwiliad mwy punchy, gofynna i Ms Dewey.

D-Day

2006-10-18T10:09:00.000+01:00

Mae heddiw yn ddiwrnod eithaf pwysig. Na, dim oherwydd ei bod hanner ffordd drwy'r wythnos, ond am fod y babi fod i'w gael ei eni.

Ond dos na'm arwydd ohona fo'n cyrraedd. Os dio rwbath fel fi, fydd o'n wythnos a hanner arall cyn cyrraedd.

Ta waeth, mae'n o'n bownd o ddod rwbryd. Watch this space (a Flickr a youTube, wrth gwrs).

Blog dwi'n darllen ers sbel ydi Bad Science gan Ben Goldacre. Mae o'n cyhoeddi ei golofn Sadwrnol yn Y Grauniad ar y blog (sy'n handi pan dwi heb ei brynnu), ond hefyd mae o'n le iddo rantio am y pseudoscience sydd yn y papurau newydd y dyddiau yma.

Mae o newydd lawnsio ei think tank newydd, Newton's Apple, i geisio cael safon uwch o newydddiaduriaeth wyddonol yn y cyfryngau, yn hytrach na'r 'Scientists discover formula for best way to eat ice cream'
ayyb sydd i'w weld yn aml.

During the crucial two days after the GM 'Frankenstein Foods' story broke in February 1999, for example, not a single one of the news articles, opinion pieces or editorials on the subject was written by a science journalist. Only 17 per cent of all the feature articles were written by science journalists.

A gan ei bod yn Wobrwyon Machinima fis nesaf, mae'n werth gwylio'r teaser ar wefan Anturiaethau Bill a John. Gret.

XXX Nostalgia

2006-10-12T12:55:00.000+01:00

Pan yn fychan o'n i wrth fy modd yn gwylio anturiaethau criw Saved by the Bell ar fore Sadwrn.

Felly gelli ddychmygu fy sioc o weld bod Dustin Diamond, oedd yn chwarae rhan yr hoffus Screech, yn ymuno â'r un gyngrhair â Pharis Hilton drwy ryddhau ei fideo budur ei hun, Screeched.

Er nad oedd yn amlwg ar y rhaglen, mae talentau Dustin yn ymestyn yn bellach nag actio.

Mae hwn yn saff i'r gwaith, ond efallai nid i'r meddwl...

Defnydd pellach o Google

2006-09-21T16:27:00.000+01:00

Dwi'n siwr bod y rhan fwyaf o'r gymuned on-line wedi defnyddio google rhywbryd. Ond dwi ddim yn siwr pa mor boblogaidd yw defnyddio teclynau arbennig i wneud chwilio'n haws.

Rhywbeth dwi'n defnyddio pob dydd yw'r dyfynodau (""). Mae rhoi geiriau o fewn dyfynodau yn gofyn i google chwilio am y geiriau yna yn y patrwm yna. Er engraifft, mae chwilio am RSS and AJAX yn rhoi tudalen wahanol i "RSS and AJAX".

Mae'r gallu i chwilio am frawddegau penodol yn arbed llawer o amser.

Gall google gyfyngu'r chwilio i ffeiliau o un math gyda filetype:. Er engraifft, i chwilio am adroddiadau blynyddol mewn pdf, mae defnyddio annual report filetype:pdf yn rhoi canlyniadau pdfs yn unig. Mae hyn yn gweithio gyda doc, xls ayyb.

Gall google hefyd gyfyngu'r chwiliad i wefannau penodol gyda site:. Felly i ddarganfod storïau'r BBC am Esiteddfod 2006, defnyddiwch eisteddfod 2006 site:bbc.co.uk

Wrth gyfuno site: gyda dyfynodau gellir darganfod pethau lle "dwi'n siwr mod i wedi'i weld o ar y wefan...". Mae hyn hefyd yn ffordd sydd yn aml yn well na'r injan chwilio fewnol sydd ar wefan.

Ac i gloi, sut mae busnesu am ddogfennau "cyfrinachol": confidential "not for publication".

Mae google yn llawer mwy na'r disgwyl. Os wyt ti am fwy o wybodaeth, dos i dudalen gymorth google.

A Scanner Darkly

2006-09-21T16:16:00.000+01:00

Dwi heb weld y ffilm eto, ond ddeshi ar draws rhywbeth diddorol tra'n ymchwilio am rhywbeth i'r gwaith.

Dwi fod i gael hyfforddiant ar beiriannau golygu Avid, felly y lle cyntaf eshi oedd eu gwefan swyddogol. Yna mae erthygl diddorol am y dechnoleg â ddefnyddiwyd i wneud y ffilm A Scanner Darkly.

Nid ydi o'n esbonio'r holl system o rotoscopio, ond mae'n esboniad manwl o'r technegau golygu a ddefnyddiwyd.

Gwerth i'w ddarllen i unrhywun sydd â diddordeb yng ngwneuthuriad ffilm.

Transleiddio

2006-09-20T00:17:00.000+01:00

Dwi wedi bod yn ymchwilio am bwy neu beth sy'n gyfrifol am y Scymraeg sydd yn codi ar wefan Newyddion y BBC bob hyn a hyn, a dwi 'di ffindio pwy sy'n gyfrifol am yr esiampl ddiweddaraf.

Generator Scymraeg.

Ffurflen bost Gymraeg

2006-09-04T15:56:00.000+01:00

Dwi wedi cyfiaethu'r ffurflen post PHP sydd ar gael gan DagonDesign.

Mae'r ffurflen hon yn un o'r rhai gorau dwi wedi weld, ac mae werth ei defnyddio os wyt ti am gynnwys ffurflen gyswllt ar wefan (sy'n defnyddio PHP wrth gwrs!).

Mae'r cyfarwyddiadau yn y ffeil dal yn y Saenseg, ond mae popeth fydd y defnyddiwr yn weld wedi'i gyfieithu.

Felly dyma hi i'r rhithfro!.

Rebekka Guðleifsdóttir

2006-09-01T14:42:00.000+01:00

Wedi dod ar draws lluniau anhygoel Rebekka ar flickr.

Mae ei defnydd o Photoshop i wneud y lluniau Multiplicity yn gwneud i fi deimlo fel plentyn 8 oed efo MS paint.

Y Diweddar Kyffin

2006-09-01T14:16:00.000+01:00

Mae'r artist enwog Kyffin Williams wedi marw.

Roeddwn i'n hoff iawn o'i luniau, ond dim efo walet ddigon mawr i'w fforddio.

Eshi lawr i Gray Thomas rwan i weld os oedd y prisiau wedi cynyddu, ond doedd dim llawer o wahaniaeth ers y tro diwethaf i mi i'w weld.

Ella bod hi'n rhy gynnar.

Ond ma'r stori am y ffliwc a wthiodd o fewn i'r byd celf yn rhoi gobaith i bawb.

Brynstock '06

2006-08-29T14:32:00.000+01:00

Neithiwr aeth fi a Cat i noson Tân y Ddraig yn y Faenol.

Yn ffodus iawn, o'n i'n cofio nad oedd poteli yn cael eu gadael mewn ers flwyddyn diwethaf, a prynais focs o win er mwyn tori'r syched anochel.

Fel pob blwyddyn roedden ni yna'n gynnar, ond yn synnu i weld ciw oedd yn ymestyn ar draws y lawnt a oedd bron a chyraedd y ty. Roedd hyn oherwydd y penderfyniad (a wnaed am 4yp ddoe) i beidio a gadael caniau i'r maes, ac i archwilio bagiau pawb oedd yn mynd mewn.

Wrth gwrs roedd lot o bobl yn anhapus gyda hyn (a pan dwi'n deud anhapus, be dwi'n feddwl ydi ffycin pisd off). Roeddwn i a Cat yn ciwio am 3/4 awr (a hitha 7 mis yn feichiog) a pan cyrhaeddon ni ochr arall y giât roedd 'na fwy tu allan yn ciwio nac oedd tu mewn yn gwrando ar Nathan Williams (a damia hynny hefyd, fethish i ei set o, ond dal udo Tara Bethan).

Felly pa hawl sydd ganddyn nhw i wneud hyn? O'r chydig dwi'n wybod am y gyfraith, dim ond yr heddlu sydd â'r hawl i archwilio eiddo unrhywun, a hynny pan mae gennynt resymau cadarn. Nid oedd dim i rybuddio am archwiliad, a ni ofynnodd neb i fi i gael agor fy mag a mynd trwy fy mhetha. Â yw hyn yn gyfreithiol? Dwi'n ama.

Nid oedd unrhyw fan ar y nosweithiau blaenorol. Ond wrth gwrs fysa'r pobl neis o Gaer ddim yn cymryd body-search, a ddim yn troi fyny y flwyddyn nesaf. And we can't have that, can we?

Rhesymau diogelwch oedd tu ôl i'r can-ban, mae caniau yn gwneud taflegrau effeithiol*. Rhywbeth arall sy'n gwneud taflegrau effeithiol yw ceiniogau. Felly beth am eu banio? Ta fysa hynny yn effeithio proffits y bar?
*Roedd gen i ymbarel hefyd. Mae'n gwneud gwaywffon effeithiol, ond nid yw'r swyddogion diogelwch yn poeni am hyn.

Ffonts

2006-08-29T12:53:00.000+01:00

O'n i'n Tesco ddoe yn prynu lysh a mynsh i'r Faenol (briliant tan y dilyw ar ddechrau set Anweledig, ond y ffasgaeth 'di sboilio petha 'chydig) a dyma fi'n sôn i'r wraig am y ffont ma' nhw'n ddefnyddio i'r arwyddion yn y siop.

Sylwi neshi bod 'na serifs tebyg i'r patrwm ar waelod eu logo i'r llythrennau, a dyma fi'n meddwl os oedd y ffont yn un arbennig i Tesco.

Roeddwn i'n iawn.

Nid yw'r ffont ar gael i brynu, ond gyda Print Screen a Photoshop dwi'n siwr bod 'na lot o hwyl i gael ar wneud arwyddion siop amgen.

Keyboard Shortcuts

2006-08-24T13:09:00.000+01:00

Dwi'n gweld defnyddio'r allweddell weithiau yn hytrach na'r llygoden yn llawer mwy cyfleus, felly dyma fi'n rhannu technegau.

I gael y gorau o'r rhain, dwi'n awgrymu cadw'r law chwith wrth ochr chwith yr allweddell o pan yn defnyddio'r cyfrifiadur.

Control a...

I gopïo testun, mae'n bosib rhoio glec ar y botwm dde, a dewis Copy o'r ddewislen. Ffordd gyflymach a hwylusach yw defnyddio Control+C. Gellir yna defnyddio Control+V i bastio'r testun yn lle bynnag.

Ynghyd â'r ddau yna mae Control+X yn gwneud Cut, sydd fel Copy, ond mae hefyd yn dileu'r testun o'r sgrin (Control+V eto i'w bastio). Mae hyn yn ddefnyddiol i symud testun o un lle i'r llall, heb orfod wneud Copy, Paste a Delete.

Os wyt ti wedi gwneud camgym, pwysa Control+Z i wneud Undo. Mae hwn yn gweithio bron ymhob rhaglen yn Windows. Os wyt ti'n penderfynu nad oeddet ti am wneud Undo, pwysa Control+Y i wneud Redo.

Mae Control+A yn copïo popeth yn y ffenestr/ddogfen. Un defnydd o hwn yw i gopïo ffeiliau o un directory/folder i'r llall. Dwi'n aml yn rhoi ffeiliau ar fy ngherdyn USB. Felly os dwi am eu copïo i ffolder arall, does ond angen Control+A i ddweis pob un, yna Control+V i'w roi yn y ffolder/directory arall. Os tisho dewis nhw i gyd heblaw un, mae dal Control lawr o chlicio ar y ffeil yna yn deselectio. Gellir clicio ar fwy nag un fel bo'r angen.

Ffordd gyflym o wneud Save yw Control+S. Mae Control+Shift+S yn gwneud Save As... (neu F12 yn MSOffice). Control+N i agor dogfen newydd. Control+O i agor dogfen, a Control+P i argraffu.

Fformatio: Control+I am Italics, Control+B i gael Bold, Control+U i gael underline (dim fysa chdi isho neud hynny...), ac yn Word, Control+Return i wneud page break. Mae Control+I a Control+B yn gweithio hefyd yn Blogger.

I wneud maint y testun yn fwy yn Firefox, Control++ (y botwm + unai ar y prif alweddell neu'r keypad). Control+- i'w wneud yn llai, ac os ti wedyn ar goll a methu cofio maint gwreiddiol y testun, Contol+0 (zero).

Eto yn Firefox, Control+W i gau y tab presennol. Control+J i ddangos y rheolwr lawrlwytho.

I ddarganfod gair mewn dogfen yn gyflym, mae Control+F yn agor yr arf chwilio. Mae hyn yn gweithio yn Firefox, IE a Word (sy'n agor y search & replace) a nifer o raglenni eraill. Dwi'n ffindio hwn yn ddefnyddiol ar dudalen we faeth, fedrai chwilio o fewn y dudalen am y gair dwi angen.

Symud o gwmpas y ddogfen

Yn hytrach na defnyddio'r llygoden i roi'r cusror yn y man priodol, dwi'n defnyddio'r allweddell. Dwi'n weld o'n llawer mwy cyfleus na mynd o'r allweddell i'r llygoden.

Control+ ← →. Wrth bwyso'r saethau cwhith a dde yn unigol, mae'r cursor yn symud un bwlch. Wrth eu pwyso gyda Control, maent yn symud un gair. Mae hyn yn gynt i gywiro typos ayyb.

Mae Shift+ ← → yn highlightio testun un llythyren ar y tro. Efo Shift+Control mae'n bosib highlightio geiriau cyfan. Mae hyn yn ddefnyddiol i ddileu gair/geiriau, neu i roi fformatio Bold, Italic neu Underline yn gyflym.

Gan ddefnyddio'r rhain gyda'r botymau Home ac End (sydd wrth y botwm Delete), gelli symud ar draws dogfen fel mellten, a heb sticio'r tafod allan wrth symud y lygoden i rhywle manwl. Yn syml, mae Home yn mynd i ddechrau'r linell, a End yn mynd i ben y llinell.

Mewn porwr mae End yn mynd yn syth i ddiwedd y ddogfen, a Home yn mynd yn ôl i'r cychwyn. Mae Page Up a Down yn scrolio'r ddogfen fyny a lawr fesul hyd sgrin.

Yn Firefox mae Alt+Home yn eich anfon i'ch tudalen gartref.

Tab

Heblaw am wneud bylchau mawr mewn dogfennau prosesu geiriau, mae'r Tab yn ddefnyddiol i neidio o un peth i'r llall. Mae Shift+Tab yn mynd a chi'n ôl.

Mewn porwr, mae sawl defnydd. Yn firefox, os dwisho neud archwiliad cyflym heb adael y dudalen bresennol, dwi'n pwyso Control+T yna Tab. Bydd hyn yn agor tab newydd, ac yn anfon y cursor i'r bocs chwilio bach yn y gornel dde uchaf. Os ti am wneud chwiliad yn y dudalen bresennol, mae Control+E yn mynd a ti'n syth i'r bocs chwilio.

Mae Control+Tab yn cycleio trwy'r tabs sy'n agored.

Yn Windows mae Alt+Tab yn arddangos a rhoi dewis o bob rhaglen sy'n agored. Mae angen dal Alt i lawr, a phwyso Tab i ddewis y rhaglen. Mae trio hyn allan yn haws na fi'n ceisio esbonio.

Alt+F4 i gau rhaglen.

I ddiffodd Windows yn gyflym: botwm Windows > ↑ > a gwasgu return ddwywaith.

A dyna ni

Wel Duw, do'n i'm yn sylweddoli mod i'n defnyddio gymaint. os dwi'n meddwl am fwy mi wnai eu hychwanegu.

Os ti'n ffindio'r ganllaw hon yn ddefnyddiol, pwysa Control+D i roi y ddudalen hon yn dy favourites!

Dymuniadau olaf

2006-08-24T11:11:00.000+01:00

Gellai weld o rwan:

...a dwisho arch dderw, hers wedi'i dynnu gan geffyl, dyn mewn het ddu yn cerdded o'i flaen, a xxx lesbo threesome show ar y diwedd.

Po fwyaf o bobl sy'n troi fyny i dy g'nebrwng/angladd yn China, po fwyaf o anrhydedd sydd yna ar y sawl sydd wedi'n gadael.

Felly mae'n draddodiad i heirio strippars i sicrhau bydd torfeydd yno. Wrth gwrs mae hyn ychydig yn erbyn yr ethos gomiwnyddol, felly mae'r llywodraeth yn clampio lawr ar hyn.

Bechod, o'n i wedi disgwyl ymlaen i hen yncl Hu gicio'r bwced...